fín þjöl Black Sheep

Nýja Black Sheep línan frá Microplane er stílhrein og nútímaleg. Bæði skaftið og stálið er svart en þetta er þó sama trausta góða Microplane rifjárnið. Rifjárnið er laserskorið úr ryðfríu stáli og er flugbeitt sem tryggir að hráefnið er rifið af nákvæmni. Það rifnar því hvorki né kremjast og engin þörf er á að beita afli. Til að ná svarta litnum er járnið sjálft húðað með PVD-húð sem ver gegn rispum. Neðst á rifjárninu eru svo litlir plastfætur svo það rennur ekki til sé rifjárninu tyllt niður.

Við mælum með því að rifjárnið sé þvegið undir rennandi vatni strax eftir notkun og því leyft að þorna hangandi en það þolir líka þvott í uppþvottavél. Járnið kemur með plasthulstri (má ekki fara í uppþvottavél) sem gott er að nota til að hlífa rifjárninu (og puttunum!) þegar það er ekki í notkun.

Microplane rifjárnin koma í mörgum grófleikum sem henta mismunandi verkefnum. Black Sheep þjölin rífur matvæli mjög fínt niður. Það kemur sér vel þegar rífa þarf t.d. sítrusbörk, harða osta, súkkulaði, hvítlauk, engifer, trufflur, hnetur, piparrót og fleira.

Black Sheep vörulínan vann til Red Dot hönnunarverðlaunanna árið 2022.