grænmetiskvörn, handvirk

Litla fjölnota kvörnin frá Rösle sannar að margur er knár þótt hann sé smár. Með kvörninni fylgir lítil salatvinda til að þurrka laufkrydd og salat eftir þvott, flugbeittir hnífar sem hakka grænmeti og ávexti, því fínna sem togað er oftar í spottann og þeytispaðar til að blanda sósur, súpur og soppur af hvaða tagi sem er. Hægt er að kaupa aukalega fleiri skálar sem nýtast þegar verið er að útbúa marga rétti í einu. Skálarnar eru með loki svo hægt er að nota þær til að geyma matvæli.