litlar vökvunarkeilur Olla náttúra

Fallegu Olla leirkerin frá franska fyrirtækinu Pepin passa upp á pottaplönturnar þínar fyrir þig.  Þú stingur kerinu á bólakaf í blómapottinn og fyllir það svo af vatni með eða án næringar.  Vatnið seytist svo í gegnum kerið út í moldina og heldur henni passlega rakri.

Olla leirkerin eru handgerð í Portúgal á verkstæði sem hefur verið í eigu sömu fjölskyldu í fjórar kynslóðir en korktapparnir eru framleiddir í Frakklandi úr korki úr sjálfbærri skógrækt.  Vörunum er svo pakkað í endurvinnanlegar neytendaumbúðir á vinnustað með stuðningi.

Litlu Ollurnar koma þrjár saman í pakka en þær henta fyrir minni og meðalstór pottablóm, ágætt að miða við að blómapotturinn sé ekki stærri en u.þ.b. 15 cm í þvermál.