Latneska heiti marglyttunnar er Chrysaora Hysoscella og er hún nokkuð stór. Marglyttan er fjólublá og löng með bleikum fálmurum. Pappírsdýrin frá Plego koma í sléttu umslagi sem vegur aðeins 120 grömm og eru því tilvalin í gjafir sem þarf að senda.
Í umslaginu eru 5 litaðar pappírs-og bómullar arkir sem upplitast síður af ljósi. Þá er einnig að finna skemmtilega örk með helstu upplýsingum um marglyttuna og að lokum leiðbeiningar. Það er nú þegar búið að klippa partana úr örkinni og er hver partur merktur svo auðvelt sé að samanbrjóta og festa þá saman. Það þarf ekki að notast við lím eða annað til að setja marglyttuna saman.
Auðvelt er að hengja marglyttuna í loftið svo hún fái að njóta sín í öllu sínu veldi. Erfiðleikastig samsetningarinnar er aðeins tveir af sex og eiga 12 ára og eldri að eiga auðvelt með föndrið.
